ज्येष्ठ नागरिकको सम्मान र स्वास्थ्य परीक्षण

बेलकोटगढी । नुवाकोटको बेलकोटगढी नगरपालिकाले ज्येष्ठ नागरिकलाई सम्मान तथा स्वास्थ्य जाँच गराएको छ ।

नगरपालिकाको महिला बालबालिका तथा ज्येष्ठ नागरिक शाखाले ‘जेष्ठ नागरिकसँग मेयर’ कार्यक्रमअन्तर्गत वडा नम्बर ३ का २ सय २० जना ज्येष्ठ नागरिकलाई सम्मान, स्वास्थ्य जाँच गर्नका साथै जिन्सी सामग्री वितरण गरेको हो । बेलकोटगढी प्रमुख जगतबहादुर गुरुङको अध्यक्षता तथा संघीय सांसद विमला सुवेदीको प्रमुख आतिथ्यमा भएको कार्यक्रममा जेष्ठ नागरिकलाई ब्याग, हर्लिक्स, ब्ल्याङ्केट, ओढ्ने पछयौरा वितरण गरिएको नगरपालिकाले जनाएको छ । त्यस्तै वाद्यवादनको सामग्रीहरू हार्मोनियम, मादल, तबलालगायत ज्येष्ठ नागरिक दिवा सेवाका लागि आवश्यक सामग्रीहरू समेत हस्तान्तरण गरिएको छ ।

कार्यक्रममा विशेष अथितिमा बेलकोटगढी नगरपालिकाका प्रशासन प्रमुख सूर्यदर्शन पण्डित, धुनीबेँसी नगरपालिका वडा नं ६ अध्यक्ष रमेश आचार्य वडाध्यक्ष, कार्यपालिका सदस्य, नगरपालिकाको कर्मचारीका साथै नागरिकको सहभागिता थियो । देवनाथ पुडासैनीको अध्यक्षतामा ११ सदस्यीय ज्येष्ठ नागरिक दिवा सेवा केन्द्रको पनि स्थापना गरिएको छ ।

२५ फाल्गुन २०७९, बिहीबार ०९:१३



तपाईको प्रतिक्रिया