वाणिज्य संघमा सर्वसम्मत

विदुर । नुवाकोट उद्योग वाणिज्य संघको नयाँ नेतृत्व सर्वसम्मत चयन भएको छ । शुक्रबार आयोजना हुने संघको ११ औं वार्षिक साधारणसभाले नयाँ नेतृत्व चयन गर्ने भएपनि उम्मेदवारीका लागि तोकिएको समयसम्म दोहोरो उम्मेदवारी नपरेपछि सर्वसम्मत नेतृत्व चयन भएको हो ।

निर्वाचन समितिले अध्यक्षमा राजेन्द्र श्रेष्ठको नेतृत्वमा संघको सबै पदाधिकारी सर्वसम्मत चयन भएको घोषणा गरेको छ । अध्यक्ष श्रेष्ठसँगै संघको वरिष्ठ उपाध्यक्षमा होटल व्यवसायी महासंघको केन्द्रीय उपाध्यक्ष समेत रहेका व्यवसायी सन्तोष उप्रेती सर्वसम्मत भएका छन् । संघको प्रथम उपाध्यक्षमा दिनेशकुमार श्रेष्ठ, द्वितीय उपाध्यक्षमा सविन राजभण्डारी, महासचिवमा उपेन्द्र बुढाथोकी, सचिवमा मधुसूदन थपलिया, कोषाध्यक्षमा मेघनाथ घिमिरे र प्रवक्तामा सुमन भण्डारी चयन भएका छन् ।

खुल्ला सदस्यहरूमा राजकुमार आचार्य, पुरुषोतम कार्की, नवराज पाण्डे, पवन नेपाल, दिपक तिमिल्सिना, प्रेमलाल श्रेष्ठ, सुजित श्रेष्ठ, सन्जिव थपलिया, हरिकृष्ण तिमिल्सिना चयन भएका छन् । यसैगरी तीन महिला सदस्यहरूमा ज्ञानुमाया गिरी, नानू गुरुङ्ग र सुजना खतिवडा चयन भउका छन् । वस्तुगत सदस्यतर्फ सविन श्रेष्ठ र पुरुषोत्तम अधिकारी सर्वसम्मत चयन भएका छन् ।

११ बैशाख २०८०, सोमबार १०:०२



तपाईको प्रतिक्रिया