घरघरमै ह्विल चियर र सहयोग रकम

ह्विल चियर प्रदान गर्दै गाउँपालिका अध्यक्ष लामा ।

काहुले । किस्पाङ गाउँपालिकाले शारिरिक रुपमा अपाङ्गता भएका नागरिकहरुलाई घरघरमै ह्विल चियर, शैक्षिक सामाग्री र आर्थिक सहयोग पु-याएको छ ।

अपाङ्गता मानव अधिकार मञ्चको समन्वयमा गाउँपालिकाका अध्यक्ष छत्र लामाले घरमा नै पुगेर ५ जनालाई ह्विल चियर दिए । ८ जना विद्यार्थीको पनि घरमा नै पुगेर शैक्षिक सामाग्री प्रदान गरेको छ । लामाका अनुसार ३० जना शारिरिक रुपमा अपाङ्गता भएकाहरुलाई आर्थिक सहयोग पनि गरिएको छ । एक लाख तीस हजार रुपैयाँ ३० जनालाई आवश्यकताको आधारमा वितरण भएको उनले जानकारी दिए ।

१४ श्रावण २०७७, बुधबार ०८:५१



तपाईको प्रतिक्रिया