बेत्रावती । ट्रिपरले ठक्कर दिँदा एक पुरुषको निधन भएको छ । शनिबार दिउँसो विदुर नगरपालिका वडा नम्बर १० वेत्रावती बजारमा दुर्घटना भएको हो ।
जिल्ला प्रहरी कार्यालय नुवाकोटको अनुसार बा ४ ख ४३४२ नम्बरको ट्रिपरले रसुवा जिल्ला उत्तरगया गाउँपालिका १ गोगनेका वर्ष ३७ का कामी तामाङलाई ठक्कर दिएको थियो । गाडी ‘ब्याक’ गर्ने क्रममा गम्भीर घाइते तामाङको उपचारका लागि त्रिशुली अस्पताल लैजादै गर्दा बाटोमै मृत्यु भएको प्रहरीले जनाएको छ । घटना पश्चात स्थानीयको भीड नियन्त्रण गरी चालक वर्ष ३१ का सन्दीप तामाङलाई प्रहरीले नियन्त्रणमा लिई थप अनुसन्धान अगाडि बढाइएको बताइएको छ ।
१८ भाद्र २०८०, सोमबार ०९:४९
