विदुर । विदुर नगरपालिकाको सवारी साधन मेयर राजन श्रेष्ठले दुरुपयोग गर्ने श्रृङ्खलामा बृद्धि भएको छ । आफ्नो निजी कामका लागि नगरपालिकाको गाडीको अत्याधिक प्रयोग गर्दै आएका श्रेष्ठले अघिल्लो हप्ता साथीको सालोको बिवाहमा जन्त जान समेत सरकारी गाडी नै प्रयोग गरेका छन् ।
मंसीर ११ गते विदुर नगरपालिकाको बा २ झ ४४६० नम्वरको सवारी साधनमा विदुरका केही व्यापारी र उनीहरूका श्रीमती बोकेर हिडेका मेयर श्रेष्ठ मंसीर १२ गते राती मात्रै विदुर आइपुगेका हुन् । समाचार श्रोतका अनुसार विदुरका केही व्यापारी र उनीहरूको श्रीमती सहित मेयर श्रेष्ठ नगरपालिकाको सरकारी गाडीमा बन्दिपुर पुगेका थिए । ११ गते बन्दिपुर बास बसेर उनीहरू १२ गते श्रेष्ठका एक व्यापारी साथीको सालोको विवाहमा गोरखा जन्त गएका हुन् ।
१२ गते राती नै विदुर आइपुगेको बताइएपनि नगरपालिकाको उक्त सवारी साधन भने कार्यालयमा १३ गते दिउँसो २ः५४ बजे मात्रै प्रवेश गरेको थियो ।
१९ मंसिर २०७९, सोमबार ०५:३१
