विदुर । नेपाली काँग्रेस नुवाकोट जिल्ला कार्यसमितिले जिल्लाका ८८ वटै वडा, १२ पालिका, चार प्रदेश क्षेत्र र दुई संघीय निर्वाचन क्षेत्रीय तहको सम्मेलन आगामी भदौ मसान्तभित्र गर्ने निर्णय गरेको छ ।
जिल्ला कार्यसमितिको २० औँ बैठकले चारवटै तहको सम्मेलन गर्न प्रतिनिधि खटाउने र पार्टीको सदस्यतालाई बृहत् रूपमा वितरण गर्न अनलाइनबाट सदस्यता वितरण गर्ने अभियान सञ्चालन गर्ने निर्णयसमेत गरेको छ । कार्यसमितिका सचिव वैकुण्ठ मिश्रले गएको सोमबार जारी गरेको विज्ञप्तीमा नुवाकोट जिल्लाका स्वदेश तथा विदेशमा रहेका पार्टीसमर्थक लोकतन्त्रवादीलाई अनलाइन सदस्यता भर्न आह्वान गरिएको जनाइएको छ । बैठकले जिल्ला पार्टीले महाधिवेशन, महासमिति सदस्य, भ्रातृ तथा शुभेच्छुक संस्था र स्थानीय तहको जनप्रतिनिधिसँग साउन मसान्तभित्रछलफल गर्ने निर्णय गरेको जिल्ला उपसभापति राजु थापाले जानकारी दिए ।
विधानबमोजिम नुवाकोट–काठमाडौं सम्पर्क समिति गठन गर्ने, केन्द्रीय कार्यसमितिको परिपत्र र निर्देशनअनुसार क्रियाशील सदस्यता नवीकरण तथा नयाँ सदस्यता वितरण पार्टीको विधान र नियमावलीअनुसार गर्ने र विधान अनुसार बुझाउनुपर्ने लेबी बुझाउने सम्बन्धमा व्यवस्थित गर्न पत्राचार गर्ने उप सभापति थापाले जानकारी दिएका छन् ।
पार्टी छाडेका स्वतन्त्र उम्मेदवार रहेका र स्वतन्त्र उम्मेदवारका समर्थक र प्रस्तावक रहेकाको विवरण वडा तहबाट पालिका, प्रदेश र क्षेत्रमार्फत जिल्ला कार्यसमितिमा माग गर्ने निर्णय भएको सचिव मिश्रले बताए ।
८ श्रावण २०८०, सोमबार १०:२४
